Qazaqstan men Germanııa áskerı yntymaqtastyq máselelerin talqylady

ASTANA. QazAqparat - Qazaqstan Respýblıkasy Qorǵanys mınıstrliginiń Halyqaralyq yntymaqtastyq departamentiniń bastyǵy Oljas Hýsaınov bastaǵan áskerı delegatsııa Berlın qalasynda germanııalyq áriptesterimen aýqymdy kelissózder ótkizdi. Bul týraly mınıstrliktiń baspasóz qyzmetine silteme jasap QazAqparat habarlaıdy.

Taraptar Qazaqstan men Germanııanyń qorǵanys vedomstvolary arasyndaǵy 2019 jylǵy Áskerı yntymaqtastyq josparyn talqylap, qol qoıdy. Áskerı bilim berý máseleleri bólek taqyrypqa arnaý boldy.

Kelissóz qorytyndysy boıynsha, Germanııa Qarýly Kúshteriniń áskerı qımyldardy modeldeý jáne áskerı medıtsına salasynda tsıfrlyq monıtorıng júıesin paıdalanýdy úırený maqsatynda arnaıy jasaq bólimsheleri arasynda tájirıbe almasý týraly kelisimderge qol jetkizildi, sondaı-aq Qazaqstan men Germanııanyń verıfıkatsııalyq ortalyqtary arasyndaǵy ózara yqpaldastyq jáne bitimgerlik qyzmet máseleleri qaraldy.