Qazaqstan men Germanııa arasyndaǵy readmıssııa týraly kelisim qabyldandy - Senat
ASTANA. QazAqparat - Búgin QR Parlamenti Senatynyń jalpy otyrysynda «Qazaqstan Respýblıkasynyń Úkimeti men Germanııa Federatıvtik Respýblıkasynyń Úkimeti arasyndaǵy adamdardy qabyldaý jáne tranzıtteý týraly kelisimdi (readmıssııa týraly kelisim) ratıfıkatsııalaý týraly» QR Zańy qabyldandy. Qujat Memleket basshysynyń qol qoıýyna joldanady.
Atalǵan kelisim 2009 jyldyń jeltoqsan aıynda Berlınde jasalyp, oǵan Qazaqstan men Germanııanyń syrtqy ister mınıstrleri qol qoıǵan.
«Qujat Qazaqstan men Germanııa elderiniń aýmaǵyna kirý jáne onda bolý sharttaryn buzǵan adamdardy anyqtaýdy jáne qaıtarýdy kózdeıdi. Bul sanatqa elimizdiń aýmaǵyna zańsyz kirgen nemese zańdy kirgen, biraq vızanyń ruqsat merzimi ótip ketkennen keıin sonda qalǵan adamdar jatady. Tutastaı alǵanda, kelisim zańsyz kóshi-qonmen kúresýge múmkindik beredi. Budan bólek, eldiń aýmaǵynda zańsyz júrgen adamdardy halyqaralyq quqyqqa sáıkes qabyldaýdy, sondaı-aq olardyń tranzıtin jeńildetedi», - dedi QR Іshki ister vıtse-mınıstri Marat Demeýov.
Onyń aıtýynsha, zańdy qabyldaý teris áleýmettik-ekonomıkalyq jáne quqyqtyq saldarǵa ákep soqtyrmaıdy. Sondaı-aq, zańdy qabyldaý qosymsha qarajatty talap etpeıdi.
