Qazaqstan men Germanııa 2018 jyly kólikpen júk tasymaldaý kólemin kelisti

ASTANA. QazAqparat - Bonn qalasynda Halyqaralyq avtokólik tasymaly máselelerine arnalǵan Qazaqstan-Germanııa aralas komıssııasynyń otyrysy ótti. Taraptar avtokólik tasymaly salasyndaǵy yntymaqtastyq máselelerin talqylap, aldaǵy jylǵa ruqsat blankilerimen almasý kvotasyn belgiledi, dep habarlaıdy QazAqparat QR IDM baspasóz qyzmetine silteme jasap.

«Taraptar 2018 jyly eki jaqty tasymaldarǵa jáne tranzıttik júrip ótýge arnalǵan aldyn ala ruqsattama qujattarmen almasýdy qazaqstandyqtar úshin 12 250 dana kóleminde, al germanııalyqtarǵa 6 myń dana kóleminde belgileý jóninde kelisti. Úshinshi elderden/elderge ruqsattama qujattaryn eki tarapqa 1000 dana kóleminde beriletin bolyp kelisildi», delingen habarlamada.  

2017 jylǵy 9 aıdyń qorytyndysy boıynsha eki el arasyndaǵy tasymal kólemi 2016 jyldyń sáıkes merzimimen salystyrǵanda 37,8 myń tonnaǵa, ıaǵnı 166 myń tonnadan 204 myń tonnaǵa deıin artqan. Negizgi tasymaldanatyn júkter - kólikter, mehanızmder men jabdyqtar, ósimdik ónimderi, hımııalyq óndiris ónimderi jatady.