Qazaqstan men Frantsııa ushaq jetkizý týraly kelisim jasasty
ASTANA. KAZINFORM — Parıj qalasynda Qazaqstan–Frantsııa iskerlik keńesiniń otyrysy jáne ekonomıkalyq yntymaqtastyq jónindegi 16-shy Úkimetaralyq komıssııanyń májilisi ótti. Bul týraly Kólik mınıstrligi málim etti.
Іs-sharalarǵa Qazaqstan Respýblıkasy Kólik vıtse-mınıstri Talǵat Lastaev qatysty.
Negizgi oqıǵa Airbus A320neo áýe kemelerin jetkizý jónindegi Memorandým papkalarymen almasý rásimi boldy. Qujatta «alǵashqy 25 ushaqty jetkizý jáne keıinnen qosymsha 25 ushaq alý múmkindigi» qarastyrylǵan.
Kezdesý barysynda Talǵat Lastaev pen Airbus kompanııasynyń vıtse-prezıdenti Sharbel ıÝzkatlı 2031 jylǵa josparlanǵan áýe kemelerin jetkizý merzimderi jáne ony jedeldetý múmkindikterin talqylady. Sondaı-aq, vıtse-mınıstr Airbus-pen birlesip avıatsııalyq oqý ortalyǵyn qurý jáne áýe kemelerin lızıngke berý máselelerin kóterdi.
— ÚAK aıasynda halyqaralyq seriktestermen aldaǵy yntymaqtastyq máseleleri de talqylandy: TAV Airports kompanııasymen — Qazaqstan áýejaılary ınfraqurylymyn jańǵyrtý, Alstom kompanııasymen — ónerkásiptik kooperatsııa baǵytynda, — delingen habarlamada.
Eki el arasyndaǵy kólik baılanysyn jaqsartý úshin Parıj–Astana reısin qaıta ashý jáne Shymkent–Nıtstsa baǵyty boıynsha áýe qatynasyn iske qosý máseleleri qarastyryldy.
Eske sala keteıik, Kólik mınıstrligi 22 áýejaıdy ınvestorlardyń basqarýyna berýdi josparlap otyrǵanyn jazǵan edik.