Qazaqstan men Frantsııa Prezıdentteri Birlesken deklaratsııa qabyldady

PARIJ. KAZINFORM – Baspasóz brıfıngi aıaqtalǵan soń Qazaqstan men Frantsııa Prezıdentteri strategııalyq seriktestikti odan ári jandandyrýǵa baǵyttalǵan Birlesken deklaratsııa qabyldady

Budan keıin memleketter basshylarynyń qatysýymen kelesi qujattarǵa qol qoıyldy:

1. Qazaqstan Respýblıkasynyń Úkimeti men Frantsýz Respýblıkasynyń Úkimeti arasyndaǵy readmıssııalaý týraly kelisim;

2. Asa mańyzdy materıaldar men resýrstar boıynsha Qazaqstan men Frantsııanyń strategııalyq yntymaqtastyǵynyń jol kartasy;

3. «Samuryq-Qazyna» ulttyq ál-aýqat qory» aktsıonerlik qoǵamy men Société Generale S.A. kompanııasy arasyndaǵy strategııalyq yntymaqtastyq týraly kelisim;

4. «Qazaqstan temir joly» ulttyq kompanııasy» aktsıonerlik qoǵamy men «Alstom Transport SA» kompanııasy arasyndaǵy 6 osti elektrovozdar boıynsha strategııalyq yntymaqtastyq týraly kelisim;

5. Á.H. Marǵulan atyndaǵy Arheologııa ınstıtýty men Ulttyq preventıvti arheologııalyq zertteýler ınstıtýty (INRAP) arasyndaǵy arheologııa salasyndaǵy yntymaqtastyq týraly kelisim hattamasy.

Prezıdent Qasym-Jomart Toqaevtyń Parıjge memlekettik sapary aıasynda eki el delegatsııasynyń músheleri 36 qujatqa qol qoıdy. Onyń ishinde jalpy somasy 2,2 mıllıard dollardy quraıtyn 1 úkimetaralyq, 21 vedomstvoaralyq jáne 14 kommertsııalyq qujat bar.