Qazaqstan men Frantsııa arasyndaǵy adamdardy readmıssııalaý týraly qujat qaralady

ASTANA. KAZINFORM – Parlament Májilisi «Qazaqstan Úkimeti men Frantsııa Úkimeti arasyndaǵy adamdardy readmıssııalaý týraly kelisimdi ratıfıkatsııalaý týraly» zań jobasyn qaraıdy.

Atalǵan kelisimge 2024 jyly qarasha aıynda Parıj qalasynda qol qoıyldy.

- Bul zań jobasy Qazaqstan men Frantsııa aýmaqtaryndaǵy zań talaptaryn buzǵan jaǵdaıda adamdardy qabyldaý jáne tranzıtteý máseleleri boıynsha ekijaqty yntymaqtastyq úshin quqyqtyq negiz qurý maqsatynda ázirlendi. Kelisimdi ratıfıkatsııalaý eki eldiń quzyretti organdarynyń osy saladaǵy yntymaqtastyǵynyń qolaıly jaǵdaılaryn qatamamasyz etedi jáne zańsyz kóshi-qonǵa qarsy kúrestiń tıimdiligin arttyrady. Kelisim Qazaqstannyń halyqaralyq sharttary týraly zańyna sáıkes ratıfıkatsııalaýǵa jatady, - dedi Májilis depýtaty Magerram Magerramov.

Osy oraıda ol Májilistiń Zańnama jáne sot-quqyqtyq reforma komıteti atalǵan zań jobasy boıynsha qorytyndy ázirleýge daıyn ekenin aıtty.

Eske salsaq, byltyr Prezıdent Qazaqstan men Estonııa Úkimeti arasyndaǵy adamdardyń readmıssııasyna qatysty zańǵa qol qoıdy.