Qazaqstan men Frantsııanyń áskerıleri jahandyq qaýipsizdik máselelerin talqylady

NUR-SULTAN. QazAqparat - Nur-Sultan qalasynda Qorǵanys mınıstriniń orynbasary general-maıor Muhamedjan Talasovtyń basshylyǵymen Frantsııanyń Ulttyq qorǵanysy Joǵary zertteý ınstıtýty (IHEDN) men Qazaqstan Qorǵanys mınıstrligi ókilderiniń qatysýymen dóńgelek ústel ótti, dep habarlaıdy QR QM baspasóz qyzmeti.

Qatysýshylar Qazaqstan men óńirdiń qaýipsizdigin, qarýly kúshterdi jabdyqtaý sheńberindegi aǵymdyq problemalardy jáne perspektıvalardy talqylady.

Dóńgelek ústel barysynda Qazaqstan áskeriniń óńirlik qaýipsizdikke baılanysty damýy, sondaı-aq bitimgershilik qyzmetke qatysýy týraly aqparat usynyldy.

IHEDN — Premer-mınıstr basshylyq etetin memlekettik ákimshilik mekeme. Onyń mindeti qorǵanys, syrtqy saıasat, qarý-jaraq jáne qorǵanys ekonomıkasymen aınalysatyn Frantsııa men shet memleketterdiń joǵary áskerı jáne azamattyq basshylyǵynyń mindetterin oryndaý biliktiligin arttyrý bolyp tabylady.