Qazaqstan men Frantsııa jemqorlyqqa qarsy ózara árekettestikti arttyrýǵa ýaǵdalasty
A.Shpekbaev frantsýz áriptesterin sybaılas jemqorlyqqa qarsy qyzmettiń basty baǵyttarymen tanystyrdy. Agenttik tóraǵasy sybaılas jemqorlyqqa qarsy tabysty is-qımyldaǵy halyqaralyq yntymaqtastyqtyń mańyzdylyǵyn atap ótti.
Frantsýz jaǵy Qazaqstannyń sybaılas jemqorlyqpen kúresetin memleketter tobyna (SJKMT) qosylýyn jáne sybaılas jemqorlyq jaǵdaılaryn anyqtaý jáne aldyn-alý salasyndaǵy álemniń ozyq tájirıbesin engizýge umtylysyn joǵary baǵalady.
Taraptar sybaılas jemqorlyqqa qarsy tıimdi is-qımyldyń tek preventsııa, aǵartý jáne jazalaý sharalarynyń qısyndy úılesimimen ǵana múmkindigi týraly pikirge toqtaldy.
Sharl Dıýshen preventsııa tetikterin, sonyń ishinde memlekettik organdarmen qosa jekemenshik sektorda da sybaılas jemqorlyqqa qarsy normalar men etıkalyq erejelerdiń oryndalýyn baqylaıtyn komplaens qyzmetteri tarapynan muqııat tekserýdiń jáne jemqorlyq táýekelderine keshendi saraptama júrgizýdiń mańyzdy róline toqtaldy.
Kezdesýdiń nátıjeleri boıynsha ózara árekettestiktiń naqty keleshegi aıqyndaldy. Atap aıtqanda, Nur-Sultan qalasynda jeltoqsan aıynda ótetin halyqaralyq sybaılas jemqorlyqqa qarsy kúres kúnine arnalǵan jyl saıynǵy konferentsııaǵa AFA basshysy frantsýz delegatsııasyn bastap kelmek.