Qazaqstan men Frantsııa ǵarysh salasynda yntymaqtastyqty nyǵaıtýdy josparlap otyr

ASTANA. QazAqparat - QR Qorǵanys jáne aeroǵarysh ónerkásibi mınıstri Beıbit Atamqulov frantsýzdyq «Airbus Defence and Space» («Airbus D&S») kompanııasynyń basshylyǵymen kelissózder júrgizdi, dep habarlaıdy QazAqparat tilshisi vedomstvonyń baspasóz qyzmetine silteme jasap. 

Kezdesýge frantsýz tarapynan «Airbus D&S» Bas hatshysy - Hıýg Laport-Veıvada, «Airbus D&S» ǵarysh bólimshesiniń birlesken kásiporyndarymen jumys jónindegi dırektory - Jan - Iv Elore, JQZ spýtnıkterin satýshy menedjer - Gı Lımýzan, Reseıdegi «Airbus D&S» basshysy - Vladımır Terehov, TOO «Airbus Kazakhstan» bas dırektory - Blaşıshın Roman qatysty.

Kelissóz barysynda taraptar ǵarysh apparattarynyń Qurastyrý-synaý keshenin júkteý jáne Jerdi qashyqtyqtan zondtaý, ǵarysh júıelerin kommertsııalandyrý máseleleri talqylandy.

Kezdesý sońynda taraptar ózara tıimdi strategııalyq áriptestiktiń mańyzdylyǵyn jetkizdi, túrli maqsattaǵy ǵarysh júıelerin qurý jónindegi jobalardy, sondaı-aq birlesken jobalarmen syrtqy naryqqa shyǵý múmkindikterin qarastyrdy.

Eske salaıyq, Airbus Defence and Space frantsýz kompanııasy «Qazaqstan Ǵarysh Sapary» UK» AQ strategııalyq seriktesi bolyp sanalady.