Qazaqstan men Frantsııa arasynda syrtqy ister mınıstrlikteri aralyq konsýltatsııa ótti

NUR-SULAN. QazAqparat - Qazaqstan men Frantsııanyń Syrtqy ister mınıstrligi aralyq konsýltatsııalardyń 8-shi raýndy beınekonferentsııa túrinde ótti, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

Jıynǵa qatysqan Qazaqstan delegatsııasyna Syrtqy ister mınıstriniń orynbasary Erlan Álimbaev jáne frantsýz jaǵyna Eýropa jáne syrtqy ister mınıstrliginiń Kontınenttik Eýropa departamentiniń dırektory Frederık Mondolonıdi basshylyq etti.

Kelissózder barysynda taraptar joǵary jáne asa joǵary deńgeıdegi saıası dıalogty nyǵaıtýǵa ózara qyzyǵýshylyq tanytty. Bul rette strategııalyq áriptestik rýhynda yntymaqtastyqty odan ári damytýǵa ekijaqty beıildilik rastaldy.

Qazaq jáne frantsýz dıplomattary ekijaqty kún tártibiniń búkil aýqymy boıynsha, onyń ishinde saıası, saýda-ekonomıkalyq, ınvestıtsııalyq, áskerı jáne qorǵanys, sondaı-aq mádenı-gýmanıtarlyq salalarda pikir almasý júrgizdi. Halyqaralyq kún tártibindegi ózekti máseleler de talqylandy.

Sonymen qatar, konsýltatsııaǵa qatysýshylar parlamentaralyq dıalogty jandandyrý joldary men shart-quqyqtyq bazany keńeıtý jóninde suhbattasty.

Kelissózder qorytyndysy boıynsha taraptar senimdi saıası dıalog pen dástúrli belsendi ekonomıkalyq yntymaqtastyqty jalǵastyrý baǵytyna ózderiniń beıildiligin rastady.