Qazaqstan men Frantsııa arasynda quqyqtyq kómek kórsetý tártibi aıqyndaldy

ASTANA. QazAqparat – Parlament Májilisiniń jalpy otyrysynda «Qazaqstan men Frantsııa arasyndaǵy qylmystyq ister boıynsha ózara quqyqtyq kómek týraly shartty ratıfıkatsııalaý týraly» Zańy qabyldady, dep habarlaıdy QazAqparat tilshisi.

Eki el arasyndaǵy bul shart qylmystyq ister boıynsha quqyqtyq kómek kórsetý tártibin, odan bas tartý negizin, tergeý áreketterin júzege asyrý joldaryn retteıdi.

Osy oraıda QR Bas prokýrorynyń orynbasary Áset Shyndalıev mundaı sharttar qaı jaǵdaılarda qajet bolatynyn túsindirdi.

«Máselen, qylmystyq is boıynsha kúdikti, kýáger nemese jábirlenýshi shetelde turyp jatqan bolýy múmkin. Al qozǵalǵan is boıynsha olardan jaýap alý kerek. Elimizdiń quqyq qorǵaý organdary ózdiginen sol memleketke baryp, tergeý áreketin jasaı almaıdy. Sonymen qatar, qylmystyq isti tergeýge qajet qujattar, aıǵaq zattar, qylmys quraldary nemese basqa da dáleldemelder ózge eldiń aýmaǵynda bolýy múmkin. Olardy ózimiz baryp, ala almaımyz. Sol úshin quqyqtyq kómek týraly sharttar jasalady. Osyndaı sharttar tergeýdiń tolyqtyǵyn qamtamasyz etý úshin suraý joldap, kýágerden nemese jábirlenýshiden jaýap alýǵa, zattaı aıǵaqtardy tárkileýge múmkindik beredi», - Á. Shyndalıev.

Osy oraıda ol sheteldegi tergeý áreketterin sol memlekettiń zańnamasyna sáıkes olardyń tergeý organdary júrgizetinin aıtty.

«Bul jaǵdaıda shetelden alynǵan dálelderdiń zańdylyǵyna qatysty suraqtar bolýy múmkin. Quqyqtyq kómek týraly shartta osy másele sheshilip otyr. ıAǵnı, basqa elden alǵan aıǵaqtardyń zańdylyǵy qamtamasyz etiledi», - dedi Bas prokýrordyń orynbasary.

Foto: gov.kz