Qazaqstan men Fınlıandııa basshylary yntymaqtastyqtyń damý perspektıvalaryn talqylady
ASTANA. KAZINFORM — Memleket basshysy Qasym-Jomart Toqaev Fınlıandııa Prezıdenti Aleksandr Stýbbpen telefon arqyly sóılesti, dep habarlaıdy Aqorda.
Fınlıandııa tarapynyń bastamasymen ótken áńgimelesý barysynda prezıdentter ekijaqty yntymaqtastyqtyń damý perspektıvalaryn talqylady.
Sondaı-aq memleketter basshylary óńirlik jáne halyqaralyq kún tártibindegi ózekti máseleler jóninde pikir almasty.
Qasym-Jomart Toqaev Aleksandr Stýbbty jáne Fınlıandııa halqyn aldaǵy Táýelsizdik kúnimen quttyqtady.
Eske salsaq, keshe Qasym-Jomart Toqaev Saýd Arabııasynyń astanasynda ótip jatqan One Water sammıtiniń ashylý saltanatynda sóz sóıledi.
Sonymen qatar Memleket basshysy Rııad qalasynda ótken One Water sammıti aıasynda Frantsııa Prezıdenti Emmanıýel Makronmen kezdesti.