Qazaqstan men Eýropalyq Odaq qandaı qujattarǵa qol qoıdy
ASTANA. KAZINFORM — Memleket basshysy Qasym-Jomart Toqaevtyń, Eýropalyq keńes Prezıdenti Antonıý Koshtanyń jáne Eýropalyq komıssııa Prezıdenti Ýrsýla fon der Lıaıenniń qatysýymen birqatar qujatqa qol qoıdy. Bul týraly Aqordanyń baspasóz qyzmeti habarlady.
Memleket basshysy Qasym-Jomart Toqaevtyń, Eýropalyq keńes Prezıdenti Antonıý Koshtanyń jáne Eýropalyq komıssııa Prezıdenti Ýrsýla fon der Lıaıenniń qatysýymen mynadaı qujattarǵa qol qoıý rásimi ótti.
1. Qazaqstan Respýblıkasy Úkimeti men Eýropalyq Odaq arasynda «Áýe tasymalynyń keıbir aspektileri týraly» kelisim;
2. «Air Astana» AQ men Airbus kompanııasy arasynda 50 áýe kemesine deıin tapsyrys berýge qol qoıý rásimi;
3. Qazaqstan Respýblıkasy Kólik mınıstrligi men Eýropalyq qaıta qurý jáne damý banki arasynda ıntellektýaldy kólik júıesin engizý jáne «E-joldary» tsıfrlyq platformasyn jasaqtaýǵa grant bólý jónindegi ózara túsinistik týraly memorandým;
4. «QazAvtoJol» UK» AQ men Eýropalyq ınvestıtsııalyq bank arasynda Transkaspıı halyqaralyq kólik baǵdarynyń bóligi sanalatyn Qazaqstan óńirlerindegi joldardy qalpyna keltirýge arnalǵan «QazAvtoJol» UK» AQ jobalaryn qarjylandyrý boıynsha memorandým;
5. Qazaqstan Respýblıkasy Ónerkásip jáne qurylys mınıstrligi men Eýropalyq qaıta qurý jáne damý banki arasynda Mıneraldar men metaldar salasyndaǵy ozyq tájirıbelik ortalyq qurýǵa arnalǵan tehnıkalyq-ekonomıkalyq negizdeme ázirleý boıynsha ózara túsinistik pen yntymaqtastyq týraly memorandým.
Aıta ketelik Qasym-Jomart Toqaev Eýropalyq odaq basshylarymen Birlesken málimdeme qabyldaǵan edi.
