Qazaqstan men Eýropalyq ınvestıtsııalyq bank kólik ınfraqurylymyn damytý máselesin talqylady
ASTANA. KAZINFORM — Astanada QR Kólik mınıstri Nurlan Saýranbaev pen Eýropalyq ınvestıtsııalyq banktiń (EIB) Vıtse-prezıdenti Marek Mora kezdesýi ótti.
Kezdesý barysynda taraptar kólik salasyndaǵy qazirgi yntymaqtastyqty jáne ony odan ári damytý múmkindikterin talqylady.
Kólik ınfraqurylymyn jańǵyrtýǵa jáne Azııa men Eýropa arasyndaǵy kólik baılanysyn nyǵaıtýda mańyzdy ról atqaratyn Transkaspıı halyqaralyq kólik baǵytyn (THKB) damytýǵa erekshe nazar aýdaryldy.
Avtomobıl joldary salasynda iske asyrylyp jatqan jobalardy jalǵastyrý, jańa jobalardy pysyqtaý jáne temirjol salasyndaǵy yntymaqtastyqty keńeıtý múmkindikteri jeke qaraldy. Kezdesý qorytyndysy boıynsha taraptar seriktestikti nyǵaıtýǵa jáne perspektıvaly kólik jobalaryn birlesip pysyqtaýdy jalǵastyrýǵa múddeli ekenin rastady.
Qazaqstan tarapy yntymaqtastyqty odan ári damytý úshin qajetti úılestirý jumystaryn qamtamasyz etýge daıyn ekenin bildirdi.
Aıta keteıik, Dúnıejúzilik bank Qazaqstandaǵy memlekettik kásiporyndardy basqarý júıesin reformalaýǵa kiristi.
