Qazaqstan men EýroOdaqtyń aýyl sharýashylyǵy salasyndaǵy yntymaqtastyǵy talqylandy

BRıÝSSELЬ. QazAqparat - Qazaqstannyń Eýropa Odaǵyndaǵy Elshisi Marǵulan Baımuhan Eýropalyq Aýyl sharýashylyǵy jónindegi komıssar ıA. Voıtsehovskıımen kelissóz júrgizdi, dep habarlaıdy QazAqparat

Kezdesý barysynda taraptar sońǵy jyly 23,7 mlrd AQSh dollaryn quraǵan Qazaqstan men EýroOdaq arasyndaǵy eki jaqty taýar aınalymynyń qarqyndy ósýin, ınstıtýttarmen jáne EO-ǵa múshe eldermen ózara is-qımyldyń 29 perspektıvalyq salasyn qamtıtyn keńeıtilgen áriptestik pen yntymaqtastyq týraly kelisimdi iske asyrýdyń mańyzdylyǵyn aıtty, sondaı-aq aýyl sharýashylyǵy salasyndaǵy yntymaqtastyqtyń aǵymdaǵy jaı-kúıi men perspektıvalyq baǵyttaryn talqylady.

Qazaqstan elshisi Eýropalyq komıssardy ulttyq ekonomıkany, aýyl sharýashylyǵyn jáne eldiń azyq-túlik qaýipsizdigin damytýdyń negizgi maqsattary týraly, sondaı-aq Qazaqstannyń 2060 jylǵa qaraı kómirtegi beıtaraptyǵyna qol jetkizýge umtylysy týraly habardar etti, bul QR men EO arasyndaǵy saýda-ekonomıkalyq ózara is-qımyldy damytý úshin qosymsha múmkindikter jasaıdy. Suhbattasýshylardyń erekshe nazary qazaqstandyq aýyl sharýashylyǵy ónimderin EO-ǵa eksporttaý máselelerine arnaldy.

Óz kezeginde, eýrokomıssar Eýropalyq Odaq pen Qazaqstan arasyndaǵy saýda-ekonomıkalyq yntymaqtastyqtyń mańyzdy baǵyty sanalatyn aýyl sharýashylyǵy salasyndaǵy syndarly yntymaqtastyqtyń jalǵasatynyna senim bildirdi.

Avtory Arnur Rahymbekov