Qazaqstan men Eýroodaq vızalyq rejımdi lıberalızatsııalaýda belsendi jumys júrgizýde

ASTANA. KAZINFORM - Qazaqstan Respýblıkasy Syrtqy ister mınıstriniń orynbasary Álibek Baqaev Eýropalyq odaqtyń Qazaqstandaǵy Elshisi Kestýtıs ıAnkaýskaspen kezdesýi ótkizdi.

Kezdesý barysynda taraptar konsýldyq saladaǵy yntymaqtastyqtyń birqatar máselelerin qozǵap, QR azamattary úshin EO elderiniń vızalyq rejımin jeńildetý boıynsha konsýltatsııalardyń ekinshi kezegin ótkizý máselesin talqylady.

Eýropalyq vızalyq rejımdi jeńildetýdiń bastapqy kezeńderi:

• vızaǵa ótinim berýdiń birińǵaı qujattar toptamasyn engizý;
• konsýldyq alymdardyń mólsherin qysqartý;
• ótinimderdi qarasýdyń merzimin azaıtý;
• kóp mártelik vızalardyń qoldanys merzimin uzartý.

Kelissózderdiń nátıjesi boıynsha, QR men EO arasyndaǵy konsýldyq saladaǵy dostyq qarym-qatynastardy odan ári nyǵaıtý boıynsha ýaǵdalastyqqa qol jetkizildi.