Qazaqstan men Eýroodaq arasyndaǵy Áriptestik pen yntymaqtastyq týraly kelisimge Bolgarııa men Rýmynııanyń qosylýy týraly hattama maquldandy - Májilis
ASTANA. Maýsymnyń 3-i. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «Bir taraptan Qazaqstan Respýblıkasy jáne ekinshi taraptan Eýropalyq Qoǵamdastyqtar men olarǵa múshe memleketter arasyndaǵy Áriptestik pen yntymaqtastyq týraly kelisimge, Bolgarııa Respýblıkasy men Rýmynııanyń áriptestik pen yntymaqtastyq týraly kelisimge qosylýy týraly hattamany ratıfıkatsııalaý týraly» zań jobasyn maquldady,
dep habarlaıdy QazAqparat.
«2007 jyldyń qańtarynan bastap Bolgarııa men Rýmynııanyń Eýropalyq Odaq quramyna enýine baılanysty qoldanystaǵy Qazaqstan men Eýroodaq memleketteri arasyndaǵy áriptestik pen yntymaqtastyq týraly kelisimniń zańdyq kúshin atalǵan eki elge de qoldaný qajettigi týyndap otyr. Áriptestik pen yntymaqtastyq týraly kelisimge Bolgarııa men Rýmynııa memleketteriniń qosylýy týraly hattamaǵa Qazaqstan men Eýropalyq taraptyń qol qoıýy 2008 jyldyń qyrkúıeginde Brıýssel qalasynda júzege asqan bolatyn. Al 2008 jyldyń jeltoqsanynda Eýropa tarapy atalǵan kelisimge qatysty ózderiniń memleketishilik úderisterin aıaqtaǵanyn málimdedi. Bunyń ózi Áriptestik pen yntymaqtastyq týraly kelisimge hattamanyń kúshine enýi úshin qajetti sharalardyń jasalǵanyn bildiredi», dedi zań jobasy boıynsha baıandaǵan QR SІM orynbasary Konstantın Jıgalov.
Májilis maquldaǵan zań jobasy Parlament Senatyna jiberiledi.
