Qazaqstan men EO arasynda dıplomatııalyq qatynastarǵa 25 jyl
ASTANA. QazAqparat - Búgin Qazaqstan Respýblıkasy men Eýropalyq Odaq arasynda dıplomatııalyq qarym-qatynastardyń ornaǵanyna 25 jyl toldy. Bul týraly QazAqparat SІM baspasóz qyzmetine silteme jasap habarlaıdy.
Osy kúnnen bastap eki tarap arasynda tyǵyz ári ózara tıimdi yntymaqtastyq qalyptasa bastady.
Shırek ǵasyr ishinde Qazaqstan men Eýropalyq Odaq arasynda qarym-qatynastyń berik sharttyq-quqyqtyq bazasy quryldy. Onyń irgetasy 2015 jylǵy 21 jeltoqsanda qol qoıylǵan QR men EO arasyndaǵy keńeıtilgen áriptestik jáne yntymaqtastyq kelisimi bolyp tabylady.
2016 jylǵy 1 mamyrdan bastap jartylaı qoldanysqa engen bul qujat ekijaqty qarym-qatynastyń jańa kezeńge bet alǵanyn kórsetedi jáne halyqtarymyzdyń ıgiligi úshin kóptegen salalardaǵy yntymaqtastyqtyń quqyqtyq negizin eleýli keńeıtti. Qazaqstan EO-men osyndaı Kelisimge qol qoıǵan Ortalyq Azııanyń birinshi memleketi boldy.
Kelisim Qazaqstan men Eýropa arasyndaǵy uzaq merzimdi baılanystardy qarqyndatýdyń lokomotıvi bolýǵa arnalǵan. Qujat saýda, ekonomıkalyq jáne ınvestıtsııalyq yntymaqtastyq úshin qolaıly jaǵdaılar jasaýǵa, sondaı-aq saıası dıalogty jáne adam quqyqtary salasyndaǵy dıalogty keńeıtýge baǵyttalǵan.
Qazaqstan men Eýropalyq Odaq Ortalyq Azııa boıynsha EO strategııasynyń iske asyrylýyna birlese qoldaý bildirýde. Adamı kapıtaldy damytý, bilim berý, qorshaǵan ortany qorǵaý, sý resýrstaryn utymdy paıdalaný, óńirdiń tıimdi kóliktik-logıstıkalyq ınfraqurylymyn qalyptastyrý, qaýip-qaterlerge qarsy kúres máselelerine erekshe kóńil bólinip otyr.
Qazaqstan men Eýropalyq Odaq odan ári ortaq qundylyqtarǵa negizdelgen ózara is-qımyl jasaý úshin zor áleýettiń bar ekendigine senimdi jáne áriptestik pen yntymaqtastyqtyń barlyq nysandaryn dáıekti jetildirýdi jalǵastyrýǵa daıyndyǵyn bildirip otyr.
