Qazaqstan men Dúnıejúzilik banktiń ózara árekettestik máseleleri talqylandy

NUR-SULTAN. QazAqparat - QR Syrtqy ister mınıstrliginde Dúnıejúzilik bankpen ózara árekettestiktiń máseleleri talqylandy, dep habarlaıdy QazAqparat atalǵan vedomstvonyń baspasóz qyzmetine silteme jasap.

Qazaqstan Respýblıkasy Premer-Mınıstriniń orynbasary – Syrtqy ister mınıstri Muhtar Tileýberdi Óńirlik dırektor Lılııa Býrýnchýk pen Dúnıejúzilik banktiń Qazaqstandaǵy Turaqty ókili Jan-Fransýa Martony qabyldady.

Kezdesý barysynda Qazaqstan men Dúnıejúzilik bank toby arasyndaǵy yntymaqtastyqtyń áleýetti baǵyttary talqylanyp, sondaı-aq qazaqstandyq ekonomıkanyń basym sektorlaryndaǵy jobalardy iske asyrýǵa baǵyttalǵan «reformalar matrıtsasyn» ázirleýdi aıaqtaý máseleleri qarastyryldy.

Mınıstr suhbattasýshylardy koronavırýs pandemııasynyń saldaryn eńserý jónindegi Úkimettiń sharalarymen tanystyrdy. Ol Dúnıejúzilik bank basshylyǵyna COVID-19-ǵa qarsy kúreste kórsetken qoldaýy úshin alǵys aıtty.

Kezdesý qorytyndysy boıynsha taraptar barlyq baǵyttar boıynsha syndarly ózara is-qımyldy jalǵastyrýǵa kelisti.