Qazaqstan men Domınıkan arasynda vızalyq rejım jeńildetiledi - Ábdiraxmanov
ASTANA. QazAqparat - QR Syrtqy ister mınıstri Qaırat Ábdiraxmanovtyń aıtýynsha, qazirgi kezde arnaıy úkimetaralyq kelisim ázirlenip jatyr, dep xabarlaıdy QazAqparat tilshisi.
«Shyny kerek, Domınıkan respýblıkasyna baryp júrgen qazaqstandyqtar az emes. Týrıstik saladan bólek, eki jaq mádenı-gýmanıtarlyq jáne saýda-ekonomıkalyq baılanystardy barynsha damytýǵa nıetti. Osyǵan oraı, qazirdiń ózinde vızalyq rejımdi jeńildetý týraly úkimetaralyq kelisim ázirlenip jatyr. Sonyń arqasynda týrıstik baılanystardy ǵana emes, iskerlik qarym-qatynastardy da kúsheıtýge bolady», - deıdi Ábdiraxmanov.
Aıta keteıik, Qazaqstanǵa Domınıkannyń syrtqy ister mınıstri Mıgel Varges Malddonado bastaǵan delegatsııa alǵash ret resmı saparmen keldi. Maldonado aldymen óz áriptesi - QR Syrtqy ister mınıstri Qaırat Ábdiraxmanovpen kezdesti. Eki eldiń syrtqy ister mınıstrleri uzaq keńesti. Sonyń nátıje boıynsha birlesken saıası deklaratsııany rásimdedi.
Búgin Domınıkan delegatsııasyn QR Premer-Mınıstri Baqytjan Saǵyntaev qabyldaıdy. Odan keıin sheteldik meımandar Bas prokýratýra, QR Mádenıet jáne sport mınıstrligi, QR Energetıka mınıstrligi men «Atameken» UKP basshylyǵymen kezdesedi. Budan bólek, Almaty qalasyna saparlaıdy. Barlyq kezdesýlerdiń nátıjesi boıynsha birqatar qujattarǵa qol qoıylady.
