Qazaqstan men China Transinfo Group pılotsyz kólikti damytý jóninde memorandýmǵa qol qoıdy
ASTANA. KAZINFORM - Astanada ótken NEW SILK WAY halyqaralyq kólik forýmy aıasynda Qazaqstan Respýblıkasy Kólik mınıstrligi men Qytaıdyń China Transinfo Group kompanııasy pılotsyz kólik pen kólik salasyn tsıfrlandyrý baǵytynda ózara túsinistik týraly memorandýmǵa qol qoıdy.
QR Kólik mınıstrligi baspasóz qyzmetiniń habarlaýynsha, qujat pılotsyz kólik tehnologııalary men tsıfrlyq sheshimderdi kólik salasyna engizý boıynsha uzaq merzimdi yntymaqtastyqqa negiz qalaıdy.
Qazaqstan halyqaralyq kólik dálizderin damytyp, tasymal tıimdiligin arttyrý jáne eldiń tranzıttik áleýetin tolyq paıdalaný úshin zamanaýı tehnologııalardy engizip keledi.
-Bıyl Qazaqstan men Reseı «Astana – Máskeý» baǵyty boıynsha pılotsyz júk kólikteriniń pılottyq júrisin júzege asyrdy. Endigi qadamdardyń biri – Qytaımen birlesip, halyqaralyq kólik dálizderiniń jekelegen ýchaskelerinde osyndaı jobany iske qosý múmkindigin qarastyrý,-delingen habarlamada.
Bul Qazaqstan men Qytaı arasyndaǵy halyqaralyq avtomobıl qatynasyn damytýǵa jáne kólik baılanysyn nyǵaıtýǵa yqpal etpek.
Osyǵan deıin Qazaqstannyń avıatsııalyq oqıǵalardy tergeý salasynda IKAO tájirıbesin engizetini týraly jazdyq.
