Qazaqstan men Chernogorııanyń saýda palatalary memorandým bekitedi
ASTANA. KAZINFORM — Elordada Memleket basshysy Qasym-Jomart Toqaev pen Chernogorııa prezıdenti ıAkov Mılatovıch keńeıtilgen quramda kelissózder júrgizdi.
Kezdesýde ıAkov Mılatovıch Qazaqstanǵa sapary ekijaqty dıplomatııalyq baılanys ornaǵanyna 20 jyl tolýymen tuspa-tus kelip otyrǵanyna mán berdi.
— Byltyr BUU Bas assambleıasy kezinde bolǵan jemisti pikirtalasymyz áli kúnge deıin esimde. Sol kezde meniń Qazaqstanǵa saparym týraly is júzinde kelisimge kelgen edik. Bul sapardyń da aıryqsha sımvoldyq máni bar, óıtkeni eki el arasyndaǵy dıplomatııalyq qatynastardyń 20 jyldyǵy aıasynda uıymdastyrylyp otyr, — dedi Prezıdent.
Chernogorııa prezıdenti eki eldiń saýda palatalary arasynda ózara túsinistik týraly memorandýmǵa qol qoıylatynyn habarlady.
— Dostyq ráýishtegi bul elge izgi nıetpen kelip otyrmyn. Bul — búgingi kezdesýde jetkizgim kelgen óte mańyzdy oıym. Men munda tek delegatsııammen kelgen joqpyn. Chernogorııadan birqatar kásipkerdi ala keldim. Sapardyń iskerlik bóligine jaýapty Ekonomıkalyq palata da sapardyń mazmundy ótýine múddeli. Saýda palatalary arasynda qol qoıylatyn Ózara túsinistik týraly memorandým tyǵyz ekonomıkalyq yqpaldastyqqa tyń serpin beredi dep sanaımyn, — dedi ıA. Mılatovıch.
Aıta keteıik, 18-20 maýsym kúnderi Memleket basshysy Qasym-Jomart Toqaevtyń shaqyrýymen Chernogorııa Prezıdenti ıAkov Mılatovıch Qazaqstanǵa resmı saparlaıtynyn jazǵan edik.
Táýelsizdik saraıynda Memleket basshysy Qasym-Jomart Toqaev Chernogorııa Prezıdenti ıAkov Mılatovıchti qarsy aldy.
Taraptar joǵary deńgeıde kelissózder júrgizip, saıası dıalogty nyǵaıtý, sondaı-aq saýda-ekonomıkalyq, ınvestıtsııalyq jáne mádenı-gýmanıtarlyq yntymaqtastyq perspektıvasyn talqylaıdy.
Eske salsaq, buǵan deıin Chernogorııa Qazaqstan azamattary úshin ýaqytsha vızasyz rejım engizdi.
