Qazaqstan men Chernogorııa prezıdentteri shaǵyn quramda kelissóz júrgizdi
ASTANA. KAZINFORM — Prezıdent kelissózder nátıjesi ekijaqty qarym-qatynasqa tyń serpin beretinine senim bildirdi, dep habarlaıdy Aqordanyń baspasóz qyzmeti.
Qasym-Jomart Toqaev Chernogorııa memleketi basshysynyń alǵashqy tarıhı sapary elimiz úshin óte mańyzdy ýaqıǵa ekenin aıtty.
— Prezıdent myrza, Qazaqstanǵa resmı saparmen kelgenińizge óte qýanyshtymyn. Chernogorııa memleketi basshysynyń alǵashqy tarıhı saparyna erekshe mán berip otyrmyz. Sondaı-aq muny elimiz úshin óte mańyzdy ýaqıǵa retinde qarastyramyz. Kelissózderimizdiń nátıjesi ekijaqty qarym-qatynasqa tyń serpin beretinine senimim kámil. Chernogorııany halqymyz jaqsy biledi. Kóptegen azamatymyz jyl saıyn Sizdiń elde demalyp, jaqsy ásermen oralady. Oraıly sátti paıdalana otyryp, elińizdiń táýelsizdik alǵanyna 20 jyl tolýymen quttyqtaımyn. Osy jyldarda biz jaqsy qarym-qatynas ornattyq. Ózara yntymaqtastyǵymyzdyń mazmunyn baıyta túsý kerek dep oılaımyn. Oǵan eshqandaı kedergi joq. Sizdiń iskerlik delegatsııańyzdyń quramy óte salmaqty. Bul ekonomıkalyq jáne iskerlik baılanystardyń aýqymyn arttyra túsýge nıetti ekenińizdi kórsetedi, — dedi Memleket basshysy.
Óz kezeginde ıAkov Mılatovıch bul sapar baılanystarymyzdyń joǵary deńgeıge kóterilgenin kórsetetinin alǵa tartty.
— Qurmetti Prezıdent! Eń aldymen Qazaqstanǵa shaqyrǵanyńyz úshin alǵys aıtamyn. Ózińiz atap ótkendeı, bul — Chernogorııa Prezıdentiniń Qazaqstanǵa alǵashqy resmı sapary. Búgin biz ekijaqty yntymaqtastyqtyń kókjıegin keńeıte túsemiz dep senemin. Bul sapar baılanystarymyzdyń joǵary deńgeıge kóterilgenin kórsetedi. Men munda dostas eldiń ókili retinde keldim. Chernogorııanyń iskerlik orta ókilderi de osynda. Eki eldiń saýda palatalary bıznes forým ótkizedi, birqatar memorandýmǵa qol qoıylady. Chernogorııa Qazaqstan azamattary úshin tanymal baǵyttardyń biri ekenin bilemiz. Osy taraptaǵy baılanystarymyzdy kúsheıte túskimiz keledi. Sizben saıası yntymaqtastyqty ǵana emes, ekonomıkalyq seriktestikti keńeıtý múmkindikterin de talqylaımyz, — dedi ol.
Osydan buryn Qasym-Jomart Toqaev Táýelsizdik saraıynda Chernogorııa Prezıdentin qarsy alǵanyn jazǵanbyz.
