Qazaqstan men Chehııa zańsyz kóshi-qonǵa qarsy birlese kúresedi
ASTANA. QazAqparat - Búgin Parlament Senaty Konstıtýtsııalyq zańnama, sot júıesi jáne quqyq qorǵaý organdary komıtetiniń keńeıtilgen otyrysy ótti.
Onda senatorlar «Qazaqstan Respýblıkasynyń Úkimeti men Cheh Respýblıkasynyń Úkimeti arasyndaǵy zańsyz kelgen adamdardyń readmıssııasy týraly kelisimdi ratıfıkatsııalaý týraly» zań jobasyn talqylady.
Eki memleket arasyndaǵy kelisim elderdiń aýmaǵynda kirý jáne onda bolý sharttaryn buzǵan adamdardy anyqtaýdy jáne qaıtarýdy kózdeıdi.
«Bul sanatqa elimizdiń aýmaǵyna zańsyz kirgen nemese zańdy kirgen, biraq vızasynyń nemese ruqsat qujatynyń merzimi ótip ketkennen keıin sonda qalǵan adamdar jatady. Kelisimdi ratıfıkatsııalaý halyqaralyq quqyqqa sáıkes zańsyz kóshi-qonǵa qarsy is-qımyl jasaýǵa múmkindik beredi», - dedi QR Іshki ister vıtse-mınıstri Vladımır Bojko.
Onyń aıtýynsha, Kelisim búgingi tańda óte ózekti bolyp tabylady. Sonymen qatar, eýrokomıssııa vızasyz rejım týraly sheshimdi qabyldaý úshin 28 memleket daýys beredi. Sondyqtan da, Qazaqstanǵa osyndaı kelisimdi Eýroodaqqa qatysatyn barlyq memleketpen jasasýǵa týra keledi.
«Budan bólek, Kelisim Astanada ótetin EKSPO-2017 halyqaralyq kórme turǵysynan da ózekti. Óıtkeni, bul halyqaralyq shara barysynda elimizge sheteldik azamattar kóptep kele bastaıdy», - dedi vıtse-mınıstr.
Kelisim 2011 jyly 23 aqpanda Pragada jasalǵan. Qujatty qabyldaý teris áleýmettik-ekonomıkalyq jáne quqyqtyq saldarǵa ákep soqpaıdy, sondaı-aq bıýdjetten qosymsha qarajatty talap etpeıdi.
Zań jobasy palatanyń aldaǵy jalpy otyrysyna shyǵarylatn bolady.
