Qazaqstan men Chehııa el aýmaǵynda zańsyz bolǵan adamdardy ózara qaıtaratyn bolady - Májilis
ASTANA. QazAqparat - Búgin QR Parlamenti Májilisiniń jalpy otyrysynda palata depýtattary «Qazaqstan Respýblıkasynyń Úkimeti men Cheh Respýblıkasynyń Úkimeti arasyndaǵy zańsyz kelgen adamdardyń readmıssııasy týraly kelisimdi ratıfıkatsııalaý týraly» zań jobasyn maquldady.
Kelisim 2011 jyly 23 aqpanda Pragada jasalǵan.
«Atalǵan qujat eki memlekettiń aýmaǵynda kirý jáne onda bolý sharttaryn buzǵan adamdardy anyqtaýdy jáne qaıtarýdy kózdeıdi. Bul sanatqa elimizdiń aýmaǵyna zańsyz kirgen nemese zańdy kirgen, biraq vızasynyń nemese ruqsat qujatynyń merzimi ótip ketkennen keıin sonda qalǵan adamdar jatady. Kelisimdi ratıfıkatsııalaý halyqaralyq quqyqqa sáıkes zańsyz kóshi-qonǵa qarsy is-qımyl jasaýǵa múmkindik beredi», - dedi QR Іshki ister mınıstri Qalmuhanbet Qasymov.
Onyń aıtýynsha, qujatty qabyldaý teris áleýmettik-ekonomıkalyq jáne quqyqtyq saldarǵa ákep soqpaıdy, sondaı-aq bıýdjetten qosymsha qarajatty talap etpeıdi.
Májilis maquldaǵan zań jobasy Parlament Senatyna joldanady.
