Qazaqstan men Chehııa arasyndaǵy ınvestıtsııalardy kótermeleý týraly kelisimniń ózgeristeri qabyldandy - Parlament
ASTANA. 13 maýsym. QazAqparat - Búgin Parlament Senatynyń jalpy otyrysynda palata depýtattary «Qazaqstan Respýblıkasy men Cheh Respýblıkasy arasyndaǵy
Investıtsııalardy kótermeleý jáne ózara qorǵaý týraly kelisimge ózgerister men tolyqtyrýlar engizý týraly Qazaqstan Respýblıkasy men Cheh Respýblıkasy arasyndaǵy hattamany ratıfıkatsııalaý týraly» zańyn qabyldady.
Hattamamen engiziletin ózgerister negizinen naqtylaýshy sıpatta bolyp tabylady jáne Chehııanyń Eýropalyq odaqqa, al Qazaqstannyń Keden odaǵyna kirýine baılanysty bolyp otyr. Bul rette, taraptardyń árqaısysy ózge taraptyń mindettemesin ózderi múshe bolyp tabylatyn keden odaǵyna, ekonomıkalyq nemese valıýtalyq odaqqa, ortaq naryqqa nemese erkin saýda aımaǵyna qatysty halyqaralyq sharttan týyndaıtyn mindettemelerdiń kiretinine kelisim bildiredi.
Kelisimniń 8-baby ınvestorlarǵa ınvestıtsııalaý júzege asyrylatyn memlekettiń quzyretti sottaryna ótinish jasaý quqyǵyn beretin normamen tolyqtyrylǵan.
