Qazaqstan men Bolgarııa prezıdentteriniń qatysýymen birneshe qujatqa qol qoıyldy

ASTANA. KAZINFORM – Qazaqstan men Bolgarııa prezıdentteriniń keńeıtilgen quramdaǵy kelissózinen keıin birneshe qujatqa qoıyldy.

Memleketter basshylarynyń qatysýymen mynadaı qujattardy almasý rásimi ótti:

1. Qazaqstan Respýblıkasy Kólik mınıstrligi men Bolgarııa Respýblıkasy Kólik jáne kommýnıkatsııalar mınıstrligi arasyndaǵy Transkaspıı halyqaralyq kólik dálizin damytý boıynsha ózara túsinistik týraly memorandým; 

2. Astana men Sofııa qalalary arasyndaǵy ózara túsinistik týraly memorandým;

3. Shymkent jáne Plovdıv qalalary arasynda baýyrlastyq qarym-qatynas ornatý týraly memorandým; 

4. Qazaqstan Respýblıkasy Prezıdentiniń janyndaǵy Memlekettik basqarý akademııasy men Bolgarııa Respýblıkasynyń Syrtqy ister mınıstrligi Dıplomatııa ınstıtýty arasyndaǵy ózara túsinistik týraly memorandým; 

5. «Qazaqstannyń syrtqy saýda palatasy» jaýapkershiligi shekteýli seriktestigi men Bolgarııanyń saýda-ónerkásip palatasy arasyndaǵy ózara túsinistik týraly memorandým.

Aıta keteıik, buǵan deıin Qazaqstan Prezıdenti álemdegi kóptegen túıtkilge qatysty Qazaqstan men Bolgarııa ustanymy uqsas ekenin aıtty.