Qazaqstan men Belgııa arasyndaǵy taýar aınalymy 523 mln dollardan asty
ALMATY. KAZINFORM – Almatyda «Qazaqstan-Belgııa» Іskerlik keńesiniń ekinshi otyrysy bastaldy. Sharaǵa Qazaqstannyń birqatar memlekettik organdary, kvazımemlekettik jáne jeke sharýashylyq sýbektileri basshylyǵynyń ókilderi men 20-dan astam belgııalyq kompanııa qatysyp jatyr.
«Benılıýks» saýda palatasynyń bas dırektory Ánýar Qurjyqaevtyń aıtýynsha, Belgııa Qazaqstan úshin EO-daǵy negizgi saýda seriktesi.
2023 jyldyń qorytyndysy Qazaqstan men Belgııaǵa arasyndaǵy taýar aınalymy 523,7 mln dollarǵa jetti. Bul ótken jyldyń sáıkes kezeńimen salystyrǵanda 1,7%-ǵa joǵary. Qazaqstandyq ónimderdiń Belgııa naryǵyna eksporty 220,7 mln dollar, Belgııadan ımporty – 303 mln dollar boldy.
«Byltyr Belgııadan Qazaqstanǵa quıylǵan tikeleı sheteldik ınvestıtsııalar kólemi 1,006 mlrd AQSh dollaryn qurady. 2013 jáne 2023 jyldyń birinshi toqsany aralyǵynda TShI kólemi 10,2 mıllıard dollardan asty. Osylaısha, Belgııa Qazaqstannyń ekonomıkasyna iri ınvestorlar tiziminde 6-shy orynda tur», - deıdi Ánýar Qurjyqaev .
Búgingi tańda Qazaqstanda 70 belgııalyq kompanııa jumys isteıdi.
Eske salaıyq, Qazaqstan-Belgııa iskerlik keńesi Memleket basshysy Qasym -Jomart Toqaevtyń 2021 jyly Belgııa Koroldigine jasaǵan sapary barysynda quryldy.
