Qazaqstan men Belarýs ıadrolyq jáne radıatsııalyq qaýipsizdik salasynda memorandýmǵa qol qoıdy
ASTANA.KAZINFORM — 2025 jylǵy 16–18 jeltoqsan aralyǵynda Tashkent qalasynda Táýelsiz Memleketter Dostastyǵyna qatysýshy memleketterdiń atom energııasyn beıbit maqsatta paıdalaný jónindegi komıssııasynyń 26-otyrysy ótip jatyr.
Otyrys aıasynda atom energııasyn beıbit maqsatta paıdalaný salasyndaǵy memleketaralyq yntymaqtastyqty damytý, ıadrolyq jáne radıatsııalyq qaýipsizdikti qamtamasyz etý, sondaı-aq Halyqaralyq atom energııasy agenttiginiń halyqaralyq mindettemeleri men usynymdaryn eskere otyryp, memlekettik retteý júıesin jetildirýdiń ózekti máseleleri qarastyrylýda.
Otyrystyń negizgi mańyzdy oqıǵalarynyń biri Atom energııasy jónindegi agenttiginiń Atomdyq qadaǵalaý jáne baqylaý komıteti men Belarýs Respýblıkasy Tótenshe jaǵdaılar mınıstrliginiń ıAdrolyq jáne radıatsııalyq qaýipsizdik departamenti arasynda Ózara túsinistik týraly memorandýmǵa qol qoıylýy boldy.
Memorandým atom energııasyn beıbit maqsatta paıdalaný kezindegi qaýipsizdikti retteý salasynda ekijaqty yntymaqtastyqty damytýǵa baǵyttalǵan jáne ıadrolyq ári radıatsııalyq qaýipsizdikti qamtamasyz etýdiń negizgi baǵyttary boıynsha tájirıbe almasýdy kózdeıdi.
Qujatta normatıvtik quqyqtyq bazany jetildirý, atom energııasyn paıdalaný salasyndaǵy qyzmetti lıtsenzııalaý, avarııalyq daıyndyq, ıadrolyq materıaldarmen, radıoaktıvti qaldyqtarmen jáne paıdalanylǵan ıadrolyq otynmen jumys isteý, sondaı-aq retteýshi qyzmettiń ǵylymı-tehnıkalyq qoldaý júıesin jáne kadrlyq áleýetti damytý máseleleri qamtylǵan.
Aıta ketelik Qazaqstan ýranyn Fınlıandııa atom stansalaryna jetkizý múmkindigi talqylanatyny týraly jazǵan edik.