Qazaqstan men Belarýstiń Brest oblysynyń syrtqy saýda aınalymy 18% artty
Belarýs óńiri men Qazaqstan arasyndaǵy saýda kólemi bıylǵy jeti aıda 58,3 mln AQSh dollaryn qurap, ótken jylǵy kezeńmen salystyrǵanda 18,6% -ǵa ósti. Oblysta Qazaqstannyń kapıtaly bar jeti kásiporyn tirkelgen.
Gýbernatordyń aıtýynsha, qazirgi ýaqytta eki el arasyndaǵy aımaqaralyq qatynastar qarqyndy damyp keledi. Brest oblysy Shyǵys Qazaqstan jáne Qaraǵandy oblystarymen uzaq merzimdi yntymaqtastyq týraly kelisimder bekitken. Ótken jyly Atyraý oblysynyń isker toptarynyń delegatsııasy Brestke saparlaǵan.
Ermuhamet Ertisbaev Belarýs eliniń árbir óńiriniń derlik Qazaqstanmen tyǵyz baılanysta ekenin atap ótti. Dıplomat memleket basshylarynyń eki el arasyndaǵy taýar aınalymyn 1 mıllıard dollarǵa jetkizý týraly tapsyrmasyn eske saldy.
«Ótken jyly aradaǵy taýar aınalymy 690 mln dollar boldy. Munyń ózi úlken kórsetkish jáne jyldyń sońyna qaraı taǵy ulǵaıady dep úmittenemin», - dedi ol.
Elshiniń pikirinshe, syrtqy saýda aınalymyn ulǵaıtý úshin eń aldymen tranzıttik tasymaldardy, Qazaqstan, Reseı, Belarýs arqyly Batys Eýropaǵa baratyn Qytaı ónimderin tasymaldaýdy arttyrý kerek. Taǵy bir perspektıvaly baǵyt - birlesken belorýssııalyq-qazaqstandyq kásiporyndar qurý. Dıplomattyń aıtýynsha, Qazaqstanda Belorýs mashına ónimderin - MAZ, BelAZ, shahtalyq, karerlik jáne basqa da tehnıkany qurastyrýdy uıymdastyrý boıynsha naqty josparlar ázirlengen.
Qarasha aıynda Belarýs-Qazaqstan úkimetaralyq komıssııasynyń 14-shi otyrysynda saýda-ekonomıkalyq yntymaqtastyqtyń ózekti máseleleri talqylanady. Bul kezdesý qazaqstandyq taraptyń ótinishimen qyrkúıekten qarashaǵa aýystyryldy. Josparǵa sáıkes, úkimetaralyq komıssııa Brestte kezdesedi.
