Qazaqstan men Belarýs ónerkásiptik qaýipsizdik salasyndaǵy yntymaqtastyqty nyǵaıtpaq
ASTANA. KAZINFORM — QR Tótenshe jaǵdaılar mınıstrliginde beınekonferentsııa formatynda Qazaqstan Respýblıkasy TJM Ónerkásiptik qaýipsizdik komıteti men Belarýs Respýblıkasy TJM memlekettik qadaǵalaý ókilderiniń qatysýymen jumys kezdesýi ótti, dep habarlaıdy komıtettiń baspasóz qyzmeti.
Kezdesý 2026-2027 jyldarǵa arnalǵan birlesken is-sharalar josparyn iske asyrý sheńberinde ótti jáne ónerkásiptik qaýipsizdik salasyndaǵy ekijaqty yntymaqtastyqty damytýǵa baǵyttaldy.
Taraptar táýekelge baǵdarlanǵan tásildi qoldanýdy jáne buzýshylyqtarǵa den qoıý sharalaryn qosa alǵanda, memlekettik retteý modelderi men memlekettik baqylaý men qadaǵalaýdy uıymdastyrý tásilderin talqylady.
— Artyq qysymmen jumys isteıtin jabdyqty qaýipsiz paıdalaný talaptaryn saqtaý máselelerine erekshe nazar aýdaryldy (KO TR 032/2013). Sáıkestikti rastaýdyń, tehnıkalyq kýálandyrýdyń jáne jabdyqtyń tehnıkalyq jaı-kúıin baǵalaýdyń praktıkalyq aspektileri qarastyryldy, — delingen habarlamada.
Kezdesý qorytyndysy boıynsha tájirıbe almasýdy jáne birlesken is-sharalardy ótkizýdi qosa alǵanda, yntymaqtastyqty odan ári damytý týraly ýaǵdalastyqqa qol jetkizildi.
Budan buryn Qazaqstan men Belarýs densaýlyq saqtaý salasyndaǵy strategııalyq áriptestikti nyǵaıtatyny aıtyldy.
