Qazaqstan men Belarýs blokcheın salasynda memorandýmǵa qol qoıdy
ASTANA. QazAqparat - «TIBO - 2018» halyqaralyq telekommýnıkatsııalyq kórmesin ótkizý aıasynda Qazaqstan-Belarýs kompanııasy men Belarýs blokcheın qaýymdastyǵy arasynda yntymaqtastyq týraly memorandýmǵa qol qoıyldy. Bul memorandým eki eldiń mamandarynyń jańa tehnologııalar salasynda tájirıbe almasýlaryna múmkindik beredi. Bul týraly Astana Hub IT-parkiniń baspasóz qyzmeti habarlady.
«Bul kópulttyq tehnologııa. Blokcheın tehnologııasy men krıptovalıýtalyq álem negizinde tıimdi sheshimder qabyldap, tájirıbe, kadr almasý úshin osy memorandým jasaldy», - dep pikir bildirdi Úlestirý tizilimi tehnologııalar qaýymdastyǵynyń dırektory Stanıslav Baskov.
Belarýs Respýblıkasy №8 dekretiniń arqasynda blokcheın-jobalardyń, maınıng pen krıptovalıýtanyń qyzmetin zańdastyrdy. Qol qoıylǵan kelisim qazaqstandyq mamandardyń blokcheın men krıptovalıýta álemindegi Belarýs tájirıbesin qoldanýyna múmkindik beredi.
«Qazirgi tańda Belarýs Respýblıkasynyń blokcheın-tehnologııalardy retteý jáne zańnamalardy qoldaný boıynsha tájirıbesi mol. Biz bul jerden ózara yntymaqtastyq úshin seriktester, dostar, áriptester, ınvestorlar jáne qyzmetkerler tapqymyz keledi», - dep atap ótti Digital Contracts Group kompanııasynyń óńirlik ókili Sergeı Solovetkın.
