Qazaqstan men Belarýs arasyndaǵy taýar aınalymy 9,2% artty

NUR-SULTAN. QazAqparat – Belarýs astanasynda Qazaqstan Respýblıkasynyń isker toptarynyń saýda-ekonomıkalyq mıssııasy ótti, dep habarlaıdy QazAqparat QR Saýda jáne ıntegratsııa mınıstrligine silteme jasap.

Qazaqstan kásipkerleriniń delegatsııasyn QR Saýda jáne ıntegratsııa mınıstri Qaırat Tórebaev basqardy, delegatsııa quramyna tamaq ónimderi, qurylys materıaldary, jeńil ónerkásip taýarlary, elektr tehnıkalyq jabdyqtar, hımııa ónimderi salasyndaǵy 15 iri otandyq óndirýshiler endi.

QR Saýda jáne ıntegratsııa mınıstrligi, QR «Atameken» Ulttyq kásipkerler palatasy jáne Qazaqstan Syrtqy saýda palatasy uıymdastyrǵan kezekti mıssııa maqsaty – jańa tıimdi baılanystardy retke keltirý jáne taýar óndirýshiler men tutynýshylar arasynda baılanystardy retteý.

«Jýyrda ótken Belarýs ámbebap taýar bırjasynyndaǵy kezdesý kóterme naryq qalyptastyrýǵa jáne saýda-sattyqty nyǵaıtýǵa yqpal etedi. Taýar bırjasynyń basshylyǵy qazaqstandyq delegatsııa ókilderin belsendi qatysýǵa jáne osy alańdy paıdalanýǵa shaqyrdy. QR Saýda jáne ıntegratsııa vıtse-mınıstri Qaırat Tórebaev qazaqstandyq eksportshylardyń sanyn 56-dan 400 deıin ulǵaıtýdy jáne eki el arasyndaǵy saýda-sattyqty teń ustaýǵa múmkindik berý qajettigin atap ótti», - delingen resmı habarlamada.

Uıymdastyrýshylar atap ótkendeı, ótken jyly Belarýs pen Qazaqstannyń taýar aınalymy 978,4 mln AQSh dollaryn qurady jáne 2018 jylmen salystyrǵanda 9,2% ulǵaıdy. Eksport – 823,5 mln dollarǵa nemese 5,1%, ımport – 154,9 mln dollarǵa, ıaǵnı 38% ulǵaıdy.

Jıyn barysynda saýda-ekonomıkalyq qarym-qatynastardy damytý men ózara tıimdi yntymaqtastyqqa arnalǵan kezdesýler ótti, jáne kásipkerler úshin V2V kezdesý aımaǵy jumys istedi.