Qazaqstan men Belarýs arasynda júk tasymaly 2 esege artady
«Qazaqstan Belarýstyń syıymdylyǵy úlken júk tehnıkalaryn, atap aıtqanda, úlken ken shyǵaratyn oryndarymyz, taý-ken kombınattarymyz BelAZ, Gomselmash quraldaryn paıdalanady. MTZ aýyl sharýashylyǵy tehnıkalary Qazaqstannyń barlyq aýyldarynda jumys isteıdi. Elimizde 260 birlesken kásiporyn, 6 jınaqtaý birlesken kásiporny bar. Biz bul baǵytty jalǵastyra beremiz dep kelistik. Búgingi bıznes forýmda bıznesmender, iskerlik ortalar Qazaqstanǵa atalǵan tehnıkallardy jetkizýdi ulǵaıtý týraly jańa qujattar toptamasyna qol qoıady. Soǵan sáıkes bizdiń ótinishimiz atalǵan yntymaqtastyqty ulǵaıtý jáne jóndeý jumystaryn jolǵa qoıý bolmaq», - dedi Nursultan Nazarbaev.
Memleket basshysy eki eldiń kólik-tranzıttik áleýettin damytý baǵytynda ýaǵdalastyq bolǵanyn atap ótti. Elimizde «Nurly jol» baǵdarlamasyn júzege asyrýdyń nátıjesinde Qytaıdan Reseıdiń shekarasyna, odan Kaspııge deıin 2500 shaqyrym temir jol jáne 4 myń shaqyrym zamanaýı avtomobıl joly salynǵanyn aıtty.
«Sol arqyly biz belarýs tasymaldaýshylary úshin de úlken múmkindik ashtyq. Búgingi kúni Tynyq muhıtynan konteınerler Belarýs arqyly ótip, temirjolshylarymyz men kólik júrgizýshileri úshin paıda tabý múmkindigin berip otyrǵanyn aıttyq. Máselen, sońǵy 6 jylda ǵana eki el arasyndaǵy júk tasymaly 100 ese ósti. 2018 jyly biz bul kórsetkishtiń 2 esege ósetindigin kútemiz. Osyǵan baılanysty Astana men Mınskiniń atalǵan saladaǵy odan arǵy is-qımyly kelisildi», - dedi Nursultan Nazarbaev.
foto: Baýyrjan Jýasbaev
