Qazaqstan men Belarýs arasynda saýda-ekonomıkalyq jáne mádenı baılanystar tabysty damyp keledi
ASTANA. QazAqparat - Búgin Parlament Májilisi halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev Qazaqstandaǵy Belarýs Respýblıkasynyń Tótenshe jáne Ókiletti Elshisi Anatolıı Nıchkasovty qabyldady. Áńgime barysynda taraptar ekijaqty qarym-qatynasty nyǵaıtý máselelerin talqylady. Bul týraly Májilistiń baspasóz qyzmetinen habarlandy.
Júzdesý barysynda Qazaqstan men Belarýs elderi senimdi saıası, ekonomıkalyq áriptes elder ekenine, eýrazııalyq ekonomıkalyq odaq aıasynda tyǵyz ózara árekettesetin memleketter ekenine nazar aýdaryldy. Eki memleket basshylarynyń joǵary deńgeıdegi baılanystary arqasynda elder arasynda saýda-ekonomıkalyq jáne mádenı baılanystar tabysty damyp keledi. Budan bólek, taraptar eki eldiń Parlamenti ózara qarym-qatynastar boıynsha el basshylarynyń bastamalaryna zańnamalyq qoldaýlar jasalatynyn atap ótti. Budan bólek, júzdesýde Qazaqstan Parlament Májilisiniń spıkeri B. Іzmuhambetov bastap baratyn delegatsııanyń resmı sapary týraly áńgime órbidi. Sonymen qatar, kezdesýde Belarýs elinde aǵymdaǵy jyldyń 11 qyrkúıeginde ótetin Ókilder palatasynyń depýtattaryn saılaýy týraly sóz bolyp, oǵan TMD PA baıqaýshylar mıssııasyn Májilis vıtse-spıkeri V.Bojko bastap baratyny aıtyldy.
