Qazaqstan men Belarýs 2017-2018 jyldarǵa arnalǵan yntymaqtastyqty damytýdyń Jol kartasyn bekitti
ASTANA. QazAqparat - Qazaqstan-Belarýs saýda-ekonomıkalyq yntymaqtastyq jónindegi úkimetaralyq komıssııanyń Gomel qalasyndaǵy otyrysy barysynda eki el arasyndaǵy yntymaqtastyqty damytýdyń 2017-2018 jyldarǵa arnalǵan Jol kartasyn bekitti, dep habarlaıdy pm.kz.
Atalǵan qujatqa Qazaqstan Premer-Mınıstriniń birinshi orynbasary Baqytjan Saǵyntaev jáne Belarýs Premer-mınıstriniń birinshi orynbasary Vasılıı Matıýshevskıı qol qoıdy.
B. Saǵyntaev habarlaǵandaı, otyrys barysynda 2014-2016 jyldarǵa arnalǵan eki el arasyndaǵy yntymaqtastyqty damytý is-sharalarynyń Jol kartasy óndiris salasynda, sonyń ishinde halyqaralyq qatynastaǵy mashına qurylysy, óndiris, aýylsharýashylyq jáne tehnıkalyq ónerkásip, sondaı-aq kólik, sáýlet jáne qurylys salalarynda eki jaqty ózara is-qımyl máselelerin qamtıdy.
«Atalǵan Jol kartasy sheńberinde osy baǵyttaǵy is-sharada qarastyrylǵan óndiristik kooperatsııa, taýardy ózara tasymaldaý jáne qyzmet, aýyl sharýashylyǵy, kólik, halyqaralyq yntymaqtastyq, ınvestıtsııa, shaǵyn jáne orta bıznesti damytý jáne t.b. 64 birlesken ónerkásip jobalary iske asyrylýda», - dep málimdedi Qazaqstan Respýblıkasy Premer-Mınıstriniń birinshi orynbasary.
