Qazaqstan men Belgııa arasyndaǵy saıası konsýltatsııa ótedi
NUR-SULTAN. QazAqparat - 12 qarashada Brıýsselde Qazaqstan men Belgııa arasyndaǵy saıası konsýltatsııalardyń kezekti raýndy ótedi. Bul jaıynda QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.
«Qazaqstandyq delegatsııany Syrtqy ister mınıstriniń orynbasary Roman Vasılenko basqarady. Al belgııalyq taraptan kelissózderge Belgııa Syrtqy ister mınıstrliginiń ekijaqty ister jónindegi bas dırektory Anık Van Kalster qatysady. Kelissózder barysynda taraptar Qazaqstan men Belgııadaǵy ózekti ishki saıası jaǵdaıdy, ekijaqty saýda-ınvestıtsııalyq yntymaqtastyqtyń perspektıvalaryn, óńirlik qaýipsizdik máselelerin talqylaıdy», - dedi Aıbek Smadııarov.
Onyń aıtýynsha, Brıýsselge sapar aıasynda Roman Vasılenko Qazaqstan men Ózbekstanda Aýǵan qyzdaryn oqytý jónindegi Eýroodaq baǵdarlamasynyń ulyqtaý rásimine qatysady.
Sondaı-aq, eýropalyq ıntegratsııalyq qurylymdar ókilderimen birqatar ekijaqty kezdesý ótkizedi.
