Qazaqstan men BAÁ ókilderi kásipkerlikti qoldaýǵa baǵyttalǵan qujattardy bekitti
ASTANA. QazAqparat - Búgin Astanada Qazaqstan - Birikken Arab Ámirlikteri bıznes-forýmynda mańyzdy qujattarǵa qol qoıyldy, dep habarlaıdy QazAqparat.
Qujattardy bekitý rásimine QR Investıtsııalar jáne damý mınıstri Jeńis Qasymbek pen BAÁ Syrtqy ister mınıstriniń orynbasary Mýhammed Sharaf qatysty.
«Atameken» ulttyq kásipkerler palatasy men Birikken Arab Ámirlikteri Kásipkerler palatasynyń jáne Indýstrııa federatsııasynyń arasyndaǵy Qazaqstan-BAÁ Birlesken bıznes keńesin qurý boıynsha ózara túsinistik týraly memorandýmǵa qol qoıyldy. 
Sonymen qatar taraptar Qazaqstan men Birikken Arab Ámirlikteri arasyndaǵy ınvestıtsııa men bıznes múmkindikterin kúsheıtý boıynsha ózara túsinistik týraly memorandýmdy bekitti.
Jeńis Qasymbektiń sózine qaraǵanda, búgingi sharaǵa Birikken Arab Ámirlikteriniń 60-qa jýyq kompanııalary ókilderiniń jáne Qazaqstannyń 250-den astam kásipkerleri qatysýda.
«Bul bizdiń elder arasyndaǵy iskerlik qatynastardyń damýynyń joǵary deńgeıin dáleldep otyr. Eki el arasyndaǵy baılanystar dostyq pen ózara senimgerlikke negizdelgen. Búgin biz ekijaqtyq saýda-ekonomıkalyq baılanystardyń damýynyń ońtaıly qarqynyn baıqap otyrmyz»,-dedi mınıstr.
