Qazaqstan men BAÁ-men ǵarysh salasyndaǵy yntymaqtastyqty nyǵaıtýǵa nıetti

ASTANA. QazAqparat - Astanaǵa Birikken Arab Ámirligi ǵarysh agenttigi dırektorlar keńesiniń tóraǵasy, joǵary bilim memlekettik mınıstri Ahmad Belhýl Ál-Falası jumys saparymen keldi, dep habarlaıdy «QazAqparat» HAA tilshisi.

QR Qorǵanys jáne aeroǵarysh ónerkásibi mınıstrliginde (QR QAÓM) ótken kezdesý kezinde ǵarysh salasyndaǵy ekijaqty yntymaqtastyq máseleleri talqylanǵan.

QR QAÓM baspasóz qyzmetiniń málimetinshe, BAÁ delegatsııasy Qazaqstandaǵy sapary aıasynda «Baıqońyr» keshenine barady. Onda Qazaqstan, Reseı jáne BAÁ arasynda ǵarysh salasyndaǵy yntymaqtastyq boıynsha úshjaqty kelissózder ótedi dep josparlanýda.

BAÁ ǵarysh agenttiginiń ókilderi 21 naýryz kúni 23 saǵat 44 mınýtqa josparlanǵan Baıqońyrdan ushyrylatyn «Soıýz MS-08» kóliktik kemesi bar «Soıýz-FG» zymyran-tasyǵyshyn baqylaıtyn bolady.