Qazaqstan men BAÁ dinı ekstremızmen kúres salasyndaǵy ekijaqty yntymaqtastyqty jandandyrýǵa ýaǵdalasty
ASTANA. QazAqparat - Qazaqstan Prezıdenti Nursultan Nazarbaevtyń Birikken Arab Ámirlikterine resmı sapary aıasynda QR Din isteri jáne azamattyq qoǵam mınıstri Nurlan Ermekbaev Zorlyq-zombylyq ekstremızmine qarsy is-qımyl jónindegi «Hedaıa» halyqaralyq ortalyǵynyń dırektory, doktor Alı Rashıdpen jáne atalǵan ortalyqtyń atqarýshy dırektory Maksýd Krýzben kezdesti, dep habarlaıdy QazAqparat.
QR Din isteri jáne azamattyq qoǵam mınıstrliginiń aqparatyna sáıkes, kezdesý barysynda halyqaralyq terrorızmge qarsy is-qımyl jáne dinı ekstremızmniń aldyn alý salasyndaǵy ózekti máseleler boıynsha jemisti pikir almasý boldy. Taraptar dinı ekstremızmen kúres salasyndaǵy ekijaqty yntymaqtastyqty jandandyrýǵa ýaǵdalasty.
