Qazaqstan men BAÁ arasynda ózara quqyqtyq kómekter kórsetý týraly kelisim qabyldandy
ASTANA. 27 qazan. QazAqparat /Qanat Mámetqazyuly/ - Búgin Parlament Senatynyń jalpy otyrysynda «Qazaqstan Respýblıkasy men Birikken Arab Ámirlikteri arasyndaǵy Qylmystyq ister boıynsha ózara quqyqtyq kómekter kórsetý týraly kelisimdi ratıfıkatsııalaý týraly» QR Zańy qabyldandy.
Atalǵan kelisimge 2009 jyly 16 naýryzda Ábý Dabı qalasynda qol qoıylǵan. Kelisim qylmystardy tergeýde aqparat almasý jáne quqyqtyq kómek kórsetý máseleleri boıynsha Qazaqstan men Birikken Arab Ámirlikteri quzyretti organdarynyń arasyndaǵy yntymaqtastyqtyń quqyqtyq negizderin belgileýge baǵyttalǵan. Qujattyń erejelerine sáıkes, taraptar qylmystyq ister boıynsha is júrgizý áreketterinde bir-birine ózara kómek kórsete alatyn bolady. «Kelisim qylmystyq is boıynsha dáleldemelerdi jınaý úshin qajetti protsessýaldyq áreketterdiń keshenin kózdeıdi. Máselen, Ámirlikterdiń aýmaǵynda kýálerden jaýap alý jóninde zattardy, qujattardy jáne basqa da zattaı dáleldemelerdi suratý, qylmystyq jolmen alynǵan múlikke jáne tabysqa tyıym salý, olardy alyp qoıý júzege asatyn bolady. Bul qujatty qabyldaý elderimiz arasyndaǵy qylmyspen kúrestegi yntymaqtastyqtyń tıimdiligin arttyrady», - deıdi QR Bas prokýrorynyń orynbasary Nurmahanbet Isaev.
Jalpy alǵanda atalǵan Zań qylmystyq isterdi tergeýdiń tıimdiligin arttyryp, kináli adamdardy qylmystyq jaýapqa tartýdy da joǵarylatady.
Parlament qabyldaǵan Zań Memleket basshysynyń qol qoıýyna jiberiledi.
