Qazaqstan men BAÁ arasynda áskerı yntymaqtastyq josparyna qol qoıyldy

ABÝ-DABI. QazAqparat - Abý-Dabıde Qazaqstan Respýblıkasy men Birikken Arab Ámirlikteriniń Birlesken áskerı komıssııasynyń kezekti otyrysy ótti. Bul týraly QR Qorǵanys mınıstrliginiń baspasóz qyzmetinen málim etti, dep habarlaıdy QazAqparat.

«Komıssııa otyrysyna QR Qorǵanys mınıstrligi Halyqaralyq yntymaqtastyq departamentiniń bastyǵy polkovnık Oljas Qusaıynov pen Birikken Arab Ámirlikteri Qorǵanys mınıstrligi Halyqaralyq qatynastar basqarmasynyń bastyǵy avıatsııanyń brıgadalyq generaly Muhammad Ál-Mazrýı qatysty.

Taraptar áskerı bilim berý, radıatsııalyq, hımııalyq jáne bıologııalyq qorǵaý, jaýyngerlik daıarlyq, áskerı barlaý jáne áskerı-tehnıkalyq saladaǵy yntymaqtastyqtyń jaı-kúıi men damý kókjıegin talqylady», - delingen habarlamada.

Aqparatqa súıensek, kelissózder nátıjesinde Qazaqstan men Birikken Arab Ámirlikteriniń qorǵanys vedomstvolary arasynda 2022 jylǵa arnalǵan áskerı yntymaqtastyq josparyna qol qoıyldy.