Qazaqstan men BAÁ arasynda 5 mlrd dollardyń kelisimine qol qoıylady
ASTANA. KAZINFORM – Qazaqstan men BAÁ arasynda 5 mlrd dollardyń kelisimin qol qoıylady. Bul týraly Aqordada Abý-Dabıdiń Taq murageri sheıh Haled ben Muhammed ben Zaıd Ál-Nahaıanmpen keńeıtilgen quramdaǵy kelissóz barysynda Memleket basshysy Qasym-Jomart Toqaev aıtty.
- Árıne, siz biz úshin óte mártebeli meımansyz. Bul kezdesý strategııalyq salalardaǵy odan ary yntymaqtastyǵymyz úshin jańa serpin berý turǵysynda asa mańyzdy sanalady. Qańtarda Ábý-Dabıdegi alǵashqy kezdesýimiz jadymda saqtalyp qaldy. Sizdiń saparyńyz óte mańyzdy is-shara ekenin taǵy da atap ótkim keledi. Saparyńyz aıasynda, osynaý meje aıasynda shamamen 5 mlrd dollardy quraıtyn 20-dan astam kelisimge qol qoıǵymyz keledi. Olar - ekonomıkamyzdy damytýǵa baǵyttalǵan túrli jobalar. Atalǵan jobalardy tolyqtaı júzege asyrý yntymaqtastyǵymyzdy qarqyndy ilgeriletýge múmkindik berip, elderimiz úshin eń jaqsy múddede qyzmet etetindigine senimdimin, - dedi Prezıdent.
Memleket basshysy BAÁ Qazaqstandaǵy eń úzdik 10 sheteldik ınvestorlardyń qataryna kiretinin atap ótti. Ótken jyly BAÁ-dan Qazaqstanǵa kelgen sheteldik ınvestıtsııa kólemi 100 paıyzǵa artqanyna nazar aýdartty.
- Árıne, bul úlken kórsetkish – shamamen 1 mlrd dollar. Bul óte jaqsy nátıje dep oılaımyn, - dedi Qasym-Jomart Toqaev.
Memleket basshysy atalǵan progress pen turaqty damý BAÁ prezıdenti Muhammed ben Zaıd Ál Nahaıannyń qoldaýynyń arqasynda oryn alǵanyn basa aıtty.
Osyǵan deıin Qazaqstan men BAÁ arasynda qol qoıylatyn kelisimder týraly jazdyq.