Qazaqstan men Ázirbaıjannyń SІM basshylary aldaǵy EQYU Sammıtiniń mazmundy bolýy men Sammıt daıyndyǵyn talqylady
ASTANA. 29 qarasha. QazAqparat - EQYU-nyń Іs basyndaǵy tóraǵasy, Qazaqstan Respýblıkasynyń Memlekettik hatshysy-Syrtqy ister mınıstri Qanat Saýdabaev 29 qarasha kúni Ázirbaıjannyń syrtqy ister mınıstri Elmar Mamedıarovpen telefon arqyly sóılesti.
Bul týraly QR Syrtqy ister mınıstrliginiń baspasóz qyzmeti habarlap otyr.
Suhbattasýshylar aldaǵy EQYU Sammıtiniń mazmundy bolýy men Sammıt daıyndyǵyn talqylady. Q.Saýdabaev pen E.Mamedıarov joǵary deńgeıdegi bul kezdesýde EQYU-nyń bolashaqtaǵy damý perspektıvalaryn ǵana anyqtap qoımaı, Uıymnyń jaýapty keńistiginde qaýipsizdik pen yntymaqtastyqtyń nyǵaıýyna aıtarlyqtaı úles qosatyn naqty sheshimderdiń zor mańyzyn atap ótti.
