Qazaqstan men Ázerbaıjannyń horeografııa salasynda yntymaqtastyq týraly memorandým jasaldy
BAKÝ. QazAqparat - Ázerbaıjannyń astanasy Bakýde jumys saparymen júrgen birinshi rektor G.Aldambergenova bastaǵan «Qazaq ulttyq horeografııa akademııasy» UAQ delegatsııasy Baký horeografııa akademııasymen ózara yntymaqtastyq týraly memorandýmǵa qol qoıdy.
Sonymen qatar, sapar barysynda eki joǵarǵy oqý orny arasynda Qazaqstan men Ázerbaıjannyń horeografııasyn damytý salasynda ary qaraıǵy yntymaqtastyq týraly máseleler talqylandy.
Kezdesýde taraptar stýdentterdi aıyrbastap oqytý, ákimshilik pen pedagogtardyń biliktiligin kóterý, sondaı-aq ǵylymı taǵylymdama jáne eki JOO arasynda horeografııa men balettaný salasynda sheberlik synyptaryn júrgizý boıynsha baǵdarlama jasaý jaıyn talqylady.
