Qazaqstan men Ázerbaıjan jańa qubyr jelisin salady
Onyń aıtýynsha, QR 5,5 mlrd tonna munaı jáne 3 trln kýbometr gaz qoryna ıe.
«Bul Qazaqstanǵa jyl saıyn 33,6 mlrd kýb m. gaz jáne 80 mln tonna munaı óndirýge múmkindik beredi. Biraq, elde Baký-Tbılısı-Djeıhan (BTD) qubyr jelisinen ózge táýelsiz, senimdi jáne qaýipsiz munaı eksporttaý baǵyty joq», - deıdi N.Alıev.
Ol atalǵan baǵyttar men eksport kóleminiń ótkizý qabiletin eskere otyryp, Astananyń qazaqstandyq Kaspıı tasymaldaý júıesine (QKTJ) erekshe zer salǵanyn atap ótti.
«QKTJ sáıkes, Eskene-Quryq-Baký baǵyty boıynsha uzyndyǵy 739 shaqyrym bolatyn jańa qubyr jelisin salý josparlanýda. Eskene-Quryq tehnıka-ekonomıkalyq negizdemesi «Teńiz» ken ornynda munaı aıdaý stantsııasyn, Teńiz-Opornyı-Ózen-Aqtaý qubyr jelisin, Quryqta munaı termınaly men jańa port turǵyzýdy jáne Aqtaý portyn qaıta óńdeý men keńeıtýdi kózdeıdi. Bul qubyr jelisiniń qurylysy Qazaqstanǵa munaıdy Grýzııa men Túrkııaǵa tasymaldaýǵa múmkindik beredi. Bastapqy kezeńde jańa qubyr jelisiniń qýaty jylyna 23-25 mıllıon tonna munaı bolady jáne bolashaqta 56 mıllıon tonnaǵa deıin jetedi», - dedi N. Alıev.
