Qazaqstan men Ázerbaıjan Transkaspıı halyqaralyq kólik dálizin damytý jónindegi kelisimdermen almasty
ASTANA. KAZINFORM – Memleketter basshylarynyń qatysýymen Qazaqstan men Ázerbaıjan Úkimetteri arasynda qol qoıylǵan Transkaspıı halyqaralyq kólik dálizin damytý jónindegi yntymaqtastyq týraly kelisimdi almasý rásimi ótti, dep habarlaıdy Aqordanyń baspasóz qyzmeti.
Qujat jahandyq kólik-logıstıka tizbegi ózgeriske ushyraǵan qazirgi kezeńde Transkaspıı halyqaralyq kólik dáliziniń (Orta dálizdiń) ornyqty qyzmet etýi men keshendi damýyna arnalǵan ortaq quqyqtyq negizdi qalyptastyrady.
Kelisim taraptardyń ınfraqurylym qýatyn keńeıtýin, baǵyt boıyndaǵy temirjol, avtokólik jáne port aýmaqtarynyń osal tustaryn retteýdi, sondaı-aq Kaspıı aıdynynda teńiz túbin tereńdetetin flot pen teńiz tasymalyn birlese damytýdy qamtamasyz etedi.
Qujattyń negizgi bólimi kólik salasyn aýqymdy tsıfrlandyrýǵa arnalǵan. Bul aqparattyq júıelerdi ıntegratsııalaýdy, «bir tereze» qaǵıdatyn engizýdi, júk qozǵalysyn tolyqtaı qadaǵalaýdy, sondaı-aq elektrondyq tsıfrlyq qoltańbalardy ózara taný týraly jeke kelisim jasasýdy qamtıdy.
Budan bólek, kelisim ózara aldyn ala aqparattandyrý, tekserýdi azaıtý jáne ókiletti ekonomıkalyq operatorlar mártebesin taný arqyly ákimshilik, shekaralyq jáne kedendik úderisterdi aıtarlyqtaı jeńildetedi.
Osyǵan deıin Toqaev pen Álıev Transkaspıı talshyqty-optıkalyq baılanys jelisin iske qosý rásimine qatysty.
