Qazaqstan men Ázerbaıjan strategııalyq seriktestikti tereńdetýge beıildi ekenin rastady
ASTANA. KAZINFORM — QR Syrtqy ister mınıstri Ermek Kósherbaev Ázerbaıjan Syrtqy ister mınıstri Djeıhýn Baıramovpen telefon arqyly sóılesti, dep habarlaıdy SІM-niń baspasóz qyzmeti.
Suhbat barysynda taraptar Qazaqstan men Ázerbaıjan arasyndaǵy qatynastardyń qarqyndy damýyn joǵary baǵalap, strategııalyq seriktestikti odan ári tereńdetýge ózara beıildiligin rastady.
Taraptar ekijaqty kún tártibiniń ózekti máselelerin, sondaı-aq óńirlik jáne halyqaralyq kún tártibindegi negizgi aspektilerdi, onyń ishinde Azııadaǵy ózara is-qımyl jáne senim sharalary jónindegi keńes (AÓSShK) aıasyndaǵy yntymaqtastyqty jáne 2026 jylǵy qazanda Baký qalasynda ótetin AÓSShK sammıtine daıyndyq barysyn talqylady.
— Mınıstrler saıası dıalogty keńeıtýge jáne saýda men ınvestıtsııalar, ónerkásiptik kooperatsııa, kólik jáne logıstıka, aqparattyq-kommýnıkatsııalyq tehnologııalar, sondaı-aq basqa da basym baǵyttar boıynsha praktıkalyq ózara is-qımyldy odan ári damytýǵa daıyn ekendikterin atap ótti, — delingen habarlamada.
Budan buryn Quryq portynda «Ázerbaıjan-Qazaqstan teńiz kabeldik júıesi» jobasynyń jańa kezeńi bastalǵanyn jazǵanbyz.
