Qazaqstan men Ázerbaıjan SІM Bakýde kezdesti
BAKÝ. QazAqparat - Qazaqstan Syrtqy ister mınıstriniń orynbasary Ermuhambet Qonyspaev pen onyń ázerbaıjandyq áriptesi Halaf Halafov 16 naýryzda Bakýde ekijaqty saıası konsýltatsııalar ótkizdi, dep habarlaıdy QazAqparat menshikti tilshisi.
Іs-shara aıasynda ekijaqty Qazaqstan-Ázerbaıjan yntymaqtastyǵynyń jaı-kúıi men perspektıvalary, sondaı-aq kópjaqty qurylymdar sheńberindegi ózara is-qımyl máseleleri egjeı-tegjeıli talqylandy. Delegatsııa basshylary halyqaralyq jáne óńirlik kún tártibindegi ózekti máseleler boıynsha pikir almasyp, aldaǵy is-sharalarǵa daıyndyq barysyn qarady.
H. Halafov dostyq, strategııalyq áriptestik jáne odaqtastyq qaǵıdattaryna negizdelgen Qazaqstan-Ázerbaıjan qatynastarynyń tabysty damýyn erekshe atap ótti. Óz kezeginde E.Qonyspaev eki el arasyndaǵy qarym-qatynastardyń oń dınamıkasyn joǵary baǵalady, saýda-ekonomıkalyq jáne ınvestıtsııalyq yntymaqtastyqty odan ári nyǵaıtýdyń, ózara saýdany sapaly arttyrýdyń jáne birlesken jobalardy iske asyrýdyń mańyzdylyǵyna toqtaldy.
