Qazaqstan men Ázerbaıjan kedendik rásimderdi ońtaılandyrýǵa nıetti

BAKÝ. QazAqparat - QR Qarjy mınıstrligi men Ázerbaıjan Memlekettik keden komıteti Qazaqstan Respýblıkasy men Ázerbaıjan Respýblıkasy arasynda tasymaldanatyn taýarlar men kólik quraldary týraly aldyn ala aqparatpen almasýdy uıymdastyrý týraly kelisimge qol qoıdy. Taraptar kedendik operatsııalardy júzege asyrýdy jyldamdatý men ońtaılandyrý úshin aldyn ala aqparat berýdiń mańyzdylyǵyn moıyndady, dep habarlaıdy «QazAqparat» HAA Bakýdegi menshikti tilshisi.

Bul týraly tóraǵa orynbasary Ǵosman Ámirınniń jetekshiligimen Ázerbaıjanǵa barǵan Qazaqstan Qarjy mınıstrligi Memlekettik kirister komıteti delegatsııasynyń jumys sapary aıasynda habarlandy. Sonymen birge, qazaqstandyq delegatsııanyń Ázerbaıjan keden komıtetiniń jetekshiligimen ekijaqty kezdesýi ótti, onda kedendik is salasyndaǵy yntymaqtastyq keleshegi talqylandy.

Sondaı-aq, qazaqstandyq tarap Qazaqstan Qarjy mınıstrligi Memlekettik kirister komıteti men Túrkııa Respýblıkasynyń Keden jáne saýda mınıstrligi arasyndaǵy ýákiletti ekonomıkalyq operator baǵdarlamalaryn ózara taný týraly sharalar josparyna qol qoıdy.